BiotexnologiyaIlm va texnologiyaning birlashgan nuqtasi
Biotexnologiya zonasi tibbiy diagnostika, farmatsevtika, agrobiotexnologiya va oziq-ovqat texnologiyalari sohasida faoliyat yurituvchi ilmiy kompaniyalar uchun mo'ljallangan.
Biotexnologiya
"Ilm va texnologiyaning birlashgan nuqtasi"
Biotexnologiya zonasi tibbiy diagnostika, farmatsevtika, agrobiotexnologiya va oziq-ovqat texnologiyalari sohasida faoliyat yurituvchi ilmiy kompaniyalar uchun mo'ljallangan.
Laboratoriyalarda PCR, elektroforez, sentrifuga, spektrofotometr va toza xona (clean room) muhiti qurilmalari mavjud.
O'zbekiston hukumatining biologik xilma-xillikni himoya qilish dasturlari doirasida biotexnologiya rezidentlari grant va subsidiyalarga nomzod bo'la oladi.
Biotexnologiya yo'nalishida «InnoLab» startap akseleratsiya dasturi ham amal qiladi: 3 oy davomida 30 nafar ishtirokchi mentorlar, trekerlar va laboratoriya ko'magida ilmiy g'oyasini prototip yoki MVP darajasiga olib chiqadi. Dastur biotexnologiya, oziq-ovqat texnologiyalari, kimyo, tibbiyot, qishloq xo'jaligi va biomuhandislik loyihalarini qamrab oladi.
INNO LAB akseleratsiya dasturi
Ilmiy g'oyadan innovatsion mahsulotgacha
INNO LAB ilmiy ishlanmalarni amaliyotga joriy etish va tijoratlashtirishga tayyor innovatsion mahsulotlarga aylantirishga qaratilgan. Ishtirokchilar o'z loyihalarini g'oya bosqichidan dastlabki prototip, tajriba namunasi yoki minimal hayotga layoqatli mahsulot — MVP darajasigacha rivojlantiradi.
0ta
ariza tushdi
0nafar
ishtirokchi saralab olindi
0oy
dastur davomiyligi
0kun
haftasiga, kuniga 2–4 soat
Dastur uch bosqichda amalga oshiriladi
Bozor va gipoteza
Ishtirokchilar bozor ehtiyojlarini o'rganadi, mijozlar bilan suhbatlar o'tkazadi, loyiha gipotezalarini shakllantiradi va qiymat taklifini ishlab chiqadi.
Biznes va laboratoriya
Biznes-rejalashtirish, raqobatchilar tahlili, marketing, moliyaviy va huquqiy masalalar bilan bir qatorda laboratoriyalarda tajribalar, sinovlar va amaliy tadqiqotlar olib boriladi.
Tijoratlashuv
Mahsulot tannarxi hisoblanadi, qadoqlash va zarur hujjatlar ustida ish olib boriladi hamda investorlar uchun taqdimot materiallari tayyorlanadi.
O'quv jarayoni nazariy ma'ruzalar, laboratoriya mashg'ulotlari, mentorlar va trekerlar bilan individual ishlash hamda mustaqil loyiha tayyorlashni o'z ichiga oladi.
Ishtirokchilar bilan kim ishlaydi
2 nafar mentor
Loyihalarning strategik rivojlanishi, texnologik yechimlari, bozor imkoniyatlari va biznes-modellarini takomillashtirishga ko'maklashadi.
Trekerlar
Laboratoriya ishlarini tashkil etadi, amaliy jarayonlarni kuzatadi va jamoalarning belgilangan vazifalar bo'yicha rivojlanishini nazorat qiladi.
2 nafar loyiha boshqaruvchisi
Dastur jarayonlarini muvofiqlashtiradi, tashkiliy ishlar va hamkorlar bilan aloqalarni ta'minlaydi.
Demo Day
Dastur yakunida Demo Day tadbiri o'tkaziladi. Unda jamoalar o'zlarining MVP mahsulotlari yoki prototiplarini investorlar, sanoat vakillari va ekspertlarga taqdim etadi. Bu ishtirokchilarga loyihalarini professional baholash, amaliy tavsiyalar olish va keyingi rivojlanish imkoniyatlarini aniqlashga yordam beradi.
Asosiy maqsad — ilmiy salohiyatni amaliy natijaga aylantirish, innovatsion loyihalarni rivojlantirish va ularning real sektor ehtiyojlariga mos ravishda tijoratlashtirilishiga ko'maklashish.
Imkoniyatlar
Bu yo'nalishda nima taklif qilamiz
Toza xona
ISO 7 standartidagi clean room - havo filtrlari va steril sharoitlar
Molekulyar biologiya
PCR, gel-elektroforez, DNA izolyatsiya va sekvenatsiya uskunalari
Fermentatsiya
Kichik va pilot miqyosdagi bioreaktorlar va fermentatsiya tizimlari
Agrobiotek
O'simlik to'qimasini o'stirish, biopreparatlar va fitosanitar sinov
Ilmiy hamkorlik
TTA, Agrar universiteti va O'zMU biologiya kafedrasi bilan integratsiya
Sertifikatlash
SES ruxsatnomasi va GMP standartiga muvofiqlik bo'yicha yordamchi xizmat
InnoLab akseleratori
3 oylik startap dasturi: g'oyadan prototip va MVP gacha, 30 nafar ishtirokchi
Mentorlik va treking
Mentorlar biznes-model va bozor bo'yicha yo'l ko'rsatadi, trekerlar haftalik natijani kuzatadi
Laboratoriya va kovorking
Eksperiment, sinov va prototiplash uchun laboratoriya, kovorking hududi va texnika
Galereya
Laboratoriya va jihozlar
G'oyangiz bormi?
INNO Technopark siz uchun!
Innovatsion g'oyaga ega yoshlar uchun bepul ish joyi va zamonaviy infratuzilma taqdim etiladi. Texnopark binosida ishlab chiqarish maydoni, robototexnika xonasi va biotexnologiya laboratoriyasi — barchasi yagona markazda jamlangan.