INNO innovatsion o‘quv-ishlab chiqarish texnoparkiga Koreyaning Gyeongbuk Texnoparki direktori hamda delegatsiyasi tashrif buyurdi.
Tashrif davomida tomonlar o‘rtasidagi hamkorlikni yanada mustahkamlash, innovatsion ekotizimni rivojlantirish, startup loyihalarni qo‘llab-quvvatlash, shuningdek, akseleratsiya va inkubatsiya dasturlarini samarali tashkil etish masalalari muhokama qilindi.
Uchrashuv davomida tajriba almashish, qo‘shma loyihalarni amalga oshirish hamda innovatsion tashabbuslarni rivojlantirish bo‘yicha kelgusidagi hamkorlik istiqbollari yuzasidan muzokaralar olib borildi.
Mazkur tashrif O‘zbekiston va Koreya texnoparklari o‘rtasidagi hamkorlikni yangi bosqichga olib chiqishga xizmat qiladi.