Oliy ta’lim, fan va innovatsiyalar vaziri o‘rinbosari O‘ktam Salomov rahbarligida “Inno” innovatsion o‘quv-ishlab chiqarish texnoparki rezidenti maqomini berish va amaldagi rezidentlik muddatini uzaytirish masalalariga bag‘ishlangan Ekspert komissiyasining navbatdagi yig‘ilishi bo‘lib o‘tdi.
Yig‘ilishda vazir o‘rinbosari innovatsion faoliyat bilan shug‘ullanayotgan tadbirkorlar bilan muloqot o‘tkazib, ularning loyihalari, ishlab chiqarish jarayonlari va istiqboldagi rivojlanish rejalari bilan yaqindan tanishdi.
Shuningdek, tadbir doirasida “Inter Kompozit” MChJ, “Kompozit Nanotexnologiyasi” MChJ, “CHINAR FM” MChJ, “ARHAT Inks” MChJ hamda “CYBERONE” MChJ tomonidan ishlab chiqilgan innovatsion loyihalar taqdim etilib, ularning texnologik yechimlari, tijoratlashtirish imkoniyatlari hamda amaliyotga joriy etish istiqbollari yuzasidan muhokamalar olib borildi.