Inno innovatsion o‘quv-ishlab chiqarish texnoparkida rezidentlikka qabul qilish bo‘yicha murojaat qilgan tashkilotlarning arizalarini ko‘rib chiqishga bag‘ishlangan Ichki komissiya yig‘ilishi tashkil etildi.
Yig‘ilish davomida rezidentlikka talabgorlarning biznes loyihalari har tomonlama ko‘rib chiqilib, ularning innovatsionligi, iqtisodiy samaradorligi, rivojlanish istiqbollari hamda texnopark yo‘nalishlariga muvofiqligi muhokama qilindi.
Shuningdek, loyihalarning yangi ish o‘rinlari yaratish salohiyati, zamonaviy texnologiyalarni joriy etish imkoniyatlari va texnopark ekotizimiga qo‘shishi mumkin bo‘lgan hissiga alohida e’tibor qaratildi.
Ko‘rib chiqish yakunlari bo‘yicha tegishli qarorlar qabul qilinib, rezidentlikka qabul qilish jarayoni yuzasidan belgilangan tartibda ishlar davom ettirilishi belgilandi.