INNO innovatsion o‘quv-ishlab chiqarish texnoparkida rezidentlikka qabul qilingan bir qator innovatsion tadbirkorlarga tegishli guvohnomalar topshirildi.
Mazkur guvohnomalar tadbirkorlarning INNO Texnopark rezidenti sifatidagi faoliyatini rasman tasdiqlaydi hamda ularning innovatsion loyihalarini rivojlantirish, zamonaviy texnologik yechimlarni amaliyotga joriy etish, ishlab chiqarish salohiyatini oshirish va Texnopark tomonidan yaratilgan imkoniyatlardan samarali foydalanishiga xizmat qiladi.
INNO Texnoparkda innovatsion faoliyat bilan shug‘ullanuvchi tadbirkorlarni qo‘llab-quvvatlash, istiqbolli loyihalarni rag‘batlantirish, yangi ishlanmalarni amaliyotga tatbiq etish hamda texnologiyalarni tijoratlashtirish uchun qulay muhit yaratishga alohida e’tibor qaratilmoqda.
Rezidentlar safining kengayib borishi innovatsion tadbirkorlikni rivojlantirish, yangi mahsulot va ishlanmalarni yaratish hamda zamonaviy texnologik yechimlarni amaliyotga joriy etish uchun yangi imkoniyatlar yaratmoqda.
Yangi rezidentlarimizni tabriklaymiz va kelgusi faoliyatlarida muvaffaqiyatlar tilaymiz!