Joriy yilning 13-dekabr kuni Inno innovatsion oʼquv ishlab chiqarish texnoparkida Germaniya Federal fizika-texnika instituti (PTB) ekspertlari hamda texnopark bosh direktori, Oʼzbekiston milliy metrologiya instituti mutaxassislari ishtirokida uchrashuv boʼlib oʼtdi. Texnopark bosh direktori Mansur Sultanov yaratilgan shart - sharoitlar va imtiyozlar haqida batafsil ma'lumot berib o'tdi, hamda texnopark rezidentlari tomonidan tayyorlangan mahsulotlar ko'zdan kechirildi. Uchrashuv davomida kelgusida uch tomonlama hamkorlikni rivojlantirish masalalari, oʼzaro tajriba almashish, kadrlar salohiyati va malakasini oshirish yoʼnalishida amalga oshiriladigan ishlar yuzasidan oʼzaro fikr almashildi. Ushbu uchrashuv ikki davlat o'rtasida tajriba almashish, yangi texnologiyalarni yaratilishiga asos bo'lib xizmat qiladi.