Oʻzbekiston Respublikasi Prezidentining 2022-yil 7-iyuldagi PQ-307-son qarorining 5-bandiga muvofiq Toshkent shahar, Olmazor tumani, Talabalar shaharchasida, Innovatsion rivojlanish vazirligi muassisligida “Inno Texnopark” MChJ tashkil etilgan. Oʻzbekiston Respublikasi Vazirlar Mahkamasi qaroring 2022-yil 15-oktabrdagi “Respublika hududlarida innovatsiya va investitsiya faoliyatini jadallashtirishning qoʻshimcha chora-tadbirlari toʻgʻrisida”gi 606-son qaroriga muvofiq “Inno Texnopark”ga rezidentlarni qabul qilish hamda soliq imtiyozlaridan foydalanish imkoniyati berilgan. “Inno” innovatsion oʻquv-ishlab chiqarish texnoparki tadqiqotlar va ishlanmalarni tijoratlashtirishga moʻljallangan kichik innovatsion korxonalarni rivojlantirishga, shuningdek yangi tashkil etilgan tadbirkorlarga innovatsion loyihalarni amalga oshirishda koʻmaklashadi. “Inno” innovatsion oʻquv-ishlab chiqarish texnoparki tomonidan 2023-2026 yillarda 79 ta tadbirkorlik subyektlariga rezidentlik maqomi berilgan. Rezidentlar tomonidan 63 turdagi innovatsion mahsulot ishlab chiqarilgan, 16 turdagi xizmat koʻrsatish yoʻlga qoʻyilgan. Yurtimizda tadbirkorlik faoliyatini amalga oshirish uchun yaratilgan keng imkoniyatlar va sharoitlar natijasida tadbirkorlik subyektlari soni ortib bormoqda. Innovatsion mahsulotlarni ishlab chiqarayotgan hamda xizmat koʻrsatayotgan tadbirkorlik subyektlari bilan hamkorlik oʻrnatish maqsadida, Savdo-sanoat palatasi bazasida mavjud boʻlgan korxona va tashkilotlar toʻgʻrisidagi maʼlumotlar olinib, ular boʻyicha ishlar oʻrnatilgan tartibda amalga oshirilmoqda.