Yangiliklar
INNO innovatsion o'quv- ishlab chiqarish texnoparkida rezidentlar faoliyatini tashkil etish bo'yicha ichki komissiya yig'ilishi bo’lib o’tdi
Yig’ilishda Inno texnopark bosh direktori M. Sultanov, bosh direktor o'rinbosari S.O’rinboyev, Toshkent davlat iqisodiyot universiteti soliq va soliqqa tortish kafedrasi professori Q.To’xsanov, neft va gaz konlarini ishlatish va ulardan foydalanish kafedrasi mudiri, professor A.Zakirov, Toshkent davlat iqisodiyot universiteti biznes boshqaruvi kafedrasi katta o’qituvchisi N.Turaev, Toshkent Davlat texnika universiteti ilmiy va innovatsiyalar bo’yicha prorektor S.Danayev hamda bir qancha rezidentlikka nomzod tadbirkorlar qatnashdilar. Yig'ilish yakunida kelgusida rezident maqomini olish istagida bo’lgan tadbirkorlar faoliyati bilan tanishish va ular bilan istiqbolli hamkorlikda ishlash hamda soliq imtiyozlaridan to’g’ri foydalanish bo’yicha ma’lumotlar berildi.
Batafsil
“Innovatsion g‘oyalar yetakchisi” ko‘krak nishoni egalari taqdirlandi
InnoWeek-2024 xalqaro innovatsion g‘oyalar haftaligi doirasida “Innovatsion g‘oyalar yetakchisi” tanlovi g‘oliblarini taqdirlash marosimi bo‘lib o‘tdi. Oliy ta’lim, fan va innovatsiyalar vaziri Q.Sharipov hamda Innovatsion rivojlanish agentligi direktori Sh.Rajabbayev ko‘krak nishoni bilan taqdirlangan 14 nafar yosh innovatorlarni tabriklab, kelgusi faoliyatiga ulkan muvaffaqiyatlar tiladi. Sovrindorlar ko‘krak nishoni, statuetka va 7,5 million so‘m miqdoridagi pul mukofoti bilan taqdirlandi: • Qoraqalpog‘iston — Turemuratova Biybinaz Kenesbay qizi • Andijon — Xashimjon Xalimov Xamidjanovich • Buxoro — G‘aniyev Baxtiyor Shukurullayevich • Jizzax — Musayev Sharof Mamarajabovich • Navoiy — Shodiyev Asliddin Faxriddin o‘g‘li • Namangan — Meliboyev Miraʼzam Foziljon o‘g‘li • Qashqadaryo — Toshmamatov Bobur Mansurovich • Samarqand — Safarova Lola O‘lmasovna • Sirdaryo — Alijonov Jasurbek Rustambek o‘g‘li • Surxondaryo — Xolmamatov Sherali Rustam o‘g‘li • Toshkent viloyati — Rashidov Quvonchbek Turg‘unboy o‘g‘li • Toshkent shahri — Baymuradov Shoxrux Maxmudovich • Farg‘ona — Abdinazarov Xasanboy Xoliqnazarovich • Xorazm — Sadullayev Sanjarbek Madiyarovich
Batafsil
“InnoWeek.Uz-2024” innovatsion gʻoyalar haftaligi doirasida B2B uchrashuvi bo’lib o’tdi
Uchrashuvda Inno innovatsion o’quv ishlab chiqarish texnoparki bosh direktori Mansurbek Sultanov va Malaysia davlatining Mranti texnoparki bosh direktori Datuk Wira Dr Haji Rais Hussin Haji Mohamed boshchiligidagi jamoa bilan o’zaro hamkorlik yuzasidan muzokaralar olib borildi.
Batafsil
“InnoWeek-2024” doirasida Yoshlar akademiyasi assambleyasi o’tkazildi.
Unda Oliy ta’lim, fan va innovatsiyalar vaziri Q.Sharipov, Yoshlar ishlari agentligi direktori A.Sa’dullayev, Oliy ta’lim, fan va innovatsiyalar vaziri o’rinbosari O.Mahkamov, Ilm-fan va ta’lim-tarbiyani rivojlantirish xalqaro “Ziyo Forum” fondi direktori B.Farmonov hamda 40 nafar Yoshlar Akademiyasining oliy ta’lim muassasalaridagi liderlari, 11 nafar Yoshlar Akademiyasining hududlardagi liderlari, 40 nafar oliy ta’lim muassasalari fakultet liderlari va 60 nafar Yoshlar Akademiyasi a’zolari ishtirok etdilar. Yoshlar Akademiyasi Assambleyasidan yakunida ilmiy-innovatsion tadbirlar faol ishtirokchilari hamda tanlovlar g‘oliblari bo‘lgan jami 30 nafar yoshlarni taqdirlash marosimi o’tkazildi
Batafsil
“InnoWeek.Uz-2024”ga start berildi
“Barqaror rivojlanish uchun innovatsiyalar” mavzusiga bag‘ishlangan xalqaro innovatsion gʻoyalar haftaligi 14–16-noyabr kunlari Oliy ta’lim, fan va innovatsiyar vazirligi huzuridagi Innovatsion rivojlanish agentligi tomonidan tashkil etilmoqda. Haftalikning rasmiy ochilish marosimi “Oʻzekspomarkaz” konferensiyalar zalida boʻlib oʻtdi. Unda hukumat aʼzolari, vazirlik va idoralar rahbarlari, diplomatik korpus vakillari, xorijiy va mahalliy ekspertlar, ilm-fan doira vakillari, professor-olimlar, innovatsion gʻoya yetakchilari hamda yosh ixtirochilar ishtirok etdi. Tadbirni Bosh vazir o‘rinbosari Zulayho Mahkamova, Oliy ta’lim, fan va innovatsiyar vaziri Qo‘ng‘irotboy Sharipov, Innovatsion rivojlanish agentligi direktori Sharofiddin Rajabboyev, Tailand Milliy tadqiqot kengashi ijrochi direktori Wiparat De-ong, BMT taraqqiyot dasturining O‘zbekistondagi doimiy vakili Akiko Fujiilar kirish so‘zi bilan ochib berdilar.
Batafsil
14-16-noyabr kunlari “Innoweek-2024” xalqaro innovatsion g‘oyalar haftaligiga marhamat!
Unda Innovatsion ishlanmalar ko‘rgazmasi, startap loyihalar taqdimoti, Demo day, Red fest xalqaro musobaqasi, xorijiy yetakchi kompaniyalar bilan B2B uchrashuvlar, investorlar bilan istiqbolli loyihalar muhokamasi, davra suhbatlari, konferensiya va forumlar, kelishuvlar hamda xalqaro shartnomalarni imzolash marosimlari bo‘lib o‘tadi. “Barqaror rivojlanish uchun innovatsiyalar” haftaligida ishtirok eting! Batafsil ma’lumot www.innoweek.uz saytida.
Batafsil
"Inno" texnoparki va Janubiy Koreya o‘rtasida innovatsion hamkorlik yo'lga qo'yilmoqda.
"Inno" innovatsion o'quv ishlab chiqarish texnoparkiga Janubiy Koreya Respublikasi iqtisodiyotining turli tarmoqlarida faoliyat yuritayotgan innovatsion sohaga tegishli ishbilarmon doira vakillari tashrif buyurdi. Delegatsiya a'zolari zamonaviy tibbiyot va tashxis uskunalari, arxitektura va yoritish tizimlari, axborot-kommunikatsiya texnologiyalari, sanoat uchun aqlli plyonkalar, robototexnika va 3D dizayn hamda kosmetika sanoati vakillaridan iborat. Texnoparkdagi biznes yuritish va startaplarni amalga oshirish uchun yaratilgan shart-sharoitlar va o‘z korxonasini tashkil etish borasidagi imkoniyatlar bilan tanishdilar. Koreya ishbilarmonlari o‘rtasida respublikamizda innovatsion tovarlar ishlab chiqarish va zamonaviy xizmatlarni ko‘rsatishga qaratilgan biznes hamkorlikning aniq yo‘nalishlari bo‘yicha taqdimot bo‘lib o‘tdi. Muzokaralar amalga oshirildi.
Batafsil
Mudofaa vazirligi Harbiy kadrlarni tayyorlash boshqarmasi oʻrtasida oʻzaro hamkorlik memorandumi imzolandi.
“Inno” innovatsion oʻquv-ishlab chiqarish texnoparki hamda Mudofaa vazirligi Harbiy kadrlarni tayyorlash boshqarmasi oʻrtasida oʻzaro hamkorlik memorandumi imzolandi (https://gov.uz/oz/mudofaa/news/view/26006). Mazkur memorandumga harbiy sohadagi loyihalar, harbiy muhandislik, IT-dasturlash hamda raqamli texnologiyalar va robototexnika sohasida, shuningdek, Oʻzbekistonda IT-dasturlash va mamlakatimizning mudofaa salohiyatini yuksaltirishga hissa qoʻshadigan taʼlim sohasi yo‘lida olib boriladigan hamkorlik masalalari kiritilgan. Imzolangan memorandum harbiy muhandislik, harbiy texnikalarni modernizatsiya qilish, yangi tipdagi zamonaviy qurol-aslaha modellarini yaratish sohasini rivojlantirish yo‘lida xizmat qiladi.
Batafsil
"Yosh olimlarning zamonaviy ixtirolari va innovatsion tadqiqotlari" mavzusida loyiha ko'rgazmasi tashkil etildi.
“Inno” innovatsion o‘quv ishlab chiqarish texnoparkida yosh innovator olimlarning eng yangi loyihalari namoyishi boʻlib oʻtdi. Bu tadbir yoshlarning ilm-fan va texnologiyalar sohasidagi ijodiy ishlanmalarini keng ommaga taqdim etish, ularni qo‘llab-quvvatlash va investorlar bilan bog‘lash maqsadida o‘tkazildi. Ko‘rgazmada Oliy ta’lim, fan va innovatsiyalar vazir o‘rinbosari O.Mahkamov, talaba-yoshlar, Innotexnopark rezidentlari, tadbirkorlar hamda investorlardan iborat katta auditoriya ishtirok etdi.
Batafsil
“Biznesni qo‘llab-quvvatlash va iqtisodiyotni raqamlashtirish: muammolar, yechimlar va xorijiy tajriba” mavzusida Respublika ilmiy-amaliy anjumani tashkil etildi.
INNO innovatsion o'quv ishlab chiqarish texnoparkida Toshkent menejment va iqtsodiyot instituti tomonidan “Biznesni qo‘llab-quvvatlash va iqtisodiyotni raqamlashtirish: muammolar, yechimlar va xorijiy tajriba” mavzusida Respublika ilmiy-amaliy anjumani tashkil etildi. Tadbirni Oliy ta'lim fan va innovatsiyalar vaziri o'rinbosari Otabek Mahkamov ochib berdi.Texnopark bosh direktori Mansur Sultanov ushbu anjumanning mavzusi bugungi kunda dolzarb ekanligini ta'kidlab o'tdi. Anjumanda zamonaviy marketing konsepsiyalari asosida iqtisodiyotni rivojlantirish; - biznes taraqqiyotida innovatsion menejmentning tutgan o'rni; - moliya va soliq sohasidagi muammolar, yechimlar va xorijiy tajribalar; - buxgalteriya hisobini rivojlantirishning metodologik asoslarini takomillashtirish; - biznesni boshqarish va iqtisodiyot sohasida raqobatbardosh kadrlar tayyorlashning dolzarb masalalari muhokama qilindi, ma'ruzalar amalga oshirildi.
Batafsil
INNO innovatsion o'quv- ishlab chiqarish texnoparki hamda Toshkent amaliy fanlar universiteti bilan memorandum imzolandi.
Uchrashuv avvalida texnoparkdagi ishlab chiqarish zonasi faoliyati, talaba yoshlarga yaratilgan shart - sharoitlar ko'zdan kechirildi. Shuningdek, hamkorlikda faoliyatni yo'lga qo'yish, texnika va innovatsion sohada tajriba almashish, talaba - yoshlar o'rtasida bir qator loyihalarni amalga oshirish kabi masalalar kelishib olindi. Kelgusidagi rejalar belgilandi va hamkorlikda amalga oshirish bo'yicha takliflar bildirildi.
Batafsil
Italiyalik olim Michele Zema ishtirokida seminar bo'lib o'tdi.
INNO innovatsion o'quv ishlab chiqarish texnoparkida Italiyaning Bari universiteti professori "Kristallografiya global miqyosda tadqiqot va ta'limni rag'batlantirish vositasi sifatida" nomli o'quv - amaliy mashg'ulotini o'tkazdi. Michele Zema - butun dunyo bo'ylab kristallografiyani rivojlantirish bo'yicha tadbirlarni amalga oshirib kelmoqda. 25 dan ortiq mamlakatda maktablari va laboratoriya tarmog'i bo'lgan IUCr- UNESCO Openlab va Afrikaning X-Techlabning ilmiy direkori hisoblanadi.
Batafsil
INNO innovatsion o'quv-ishlab chiqarish texnoparki hamda O'zbekiston fizika jamiyati o'rtasida memorandum imzolandi.
Ushbu hamkorlik kelgusida zamonaviy texnologiyalar va robototexnika, raqamli texnologiyalar sohasida ilmiy- tadqiqot ishlarini olib borish imkonini beradi. Shuningdek, ta'lim, ilmiy tadqiqotlar, ilmiy - pedagogik va muhandislik sohasidagi hamkorlikka yo'naltirilgan samarali va manfaatli hamkorlikni rivojlantirishga xizmat qiladi. Fan va texnikaning rivojlanishiga, professor- o'qituvchilar hamda talaba- yoshlarning o'zaro hamkorligini o'rnatishga zamin yaratadi.
Batafsil
Koreya Respublikasi Daengyong-ro, Bugan - meyon, Yeong cheon-Si, Gyeongbuk do tashkiloti hamda "Ochilov Furqat" oilaviy korxonasi tomonidan memorandum imzolandi.
Haftalik doirasida Koreya Respublikasi Daengyong-ro, Bugan - meyon, Yeong cheon-Si, Gyeongbuk do tashkiloti hamda "Ochilov Furqat" oilaviy korxonasi tomonidan memorandum imzolandi. Ushbu hamkorlik kelgusida ikki tomonlama aloqalarni kengaytirish, mahsulotlar eksportini amalga oshirish, tadbirkorlik sohasida tajriba almashish imkonini beradi. Shuningdek, kelgusida muhandislik va ilmiy-akademik hamkorlikni rivojlantirishga zamin yaratadi.
Batafsil
O'zbekiston savdo - sanoat palatasi vakillari Inno innovatsion o'quv- ishlab chiqarish texnoparkiga tashrif buyurdi.
O'zbekiston savdo - sanoat palatasi vakillari Inno innovatsion o'quv- ishlab chiqarish texnoparkiga tashrif buyurdi. Koreyalik tadbirkorlar tomonidan tashkil etilgan ko'rgazmalar ko'zdan kechirilib, muzokaralar olib borildi. Shuningdek, hamkorlik masalalari, kelgusidagi rejalar belgilab olindi. Oliy ta’lim muassasalari, kichik biznes vakillari hamda yirik tarmoq korxonalari o‘rtasida o‘zaro tajriba almashish hamda kooperatsiya aloqalarini yo‘lga qo‘yish, mamlakatimizga investitsiya kiritish masalalari ko'rib chiqildi.
Batafsil
Koreya - O’zbekiston sanoat - akademiya, innovatsiyalar haftaligi doirasida bir qancha memorandumlar imzolandi
Mazkur memorandumlar mahalliy sanoatni rivojlantirish, biznesni qo’llab-quvvatlash, innovatsiyalarning markazi sifatida mahalliy iqtisodiyot rivojiga hissa qo’shib kelmoqda. Shuningdek, korxonalar, universitetlar, ilmiy tadqiqot institutlari hamkorligini ham ta’minlaydi. Koreya Respublikasi va O’zbekiston texnoparklari o’rtasida ikki tomonlama hamkorlikni kengaytirish, axborot almashish, ikkala mamlakat uchun eksport faoliyatini soddalashtirish va investitsiyalarni jalb qilish maqsadida ma’muriy qo’llab- quvvatlash o’rin olgan.
Batafsil
Koreya - O'zbekiston hamkorligi yo'lga qo'yilmoqda.
“tarmoq-korxona-oliygoh” tizimini samarali yo‘lga qo‘yishni maqsad qilgan ushbu haftalik fan, taʼlim, innovatsiya, savdo-iqtisodiy, mashinasozlik va axborot texnologiyalari sohalarida hamkorlikni yanada rivojlantirish, ikki mamlakat oliy ta’lim muassasalari, kichik biznes vakillari hamda yirik tarmoq korxonalari o‘rtasida o‘zaro tajriba almashish hamda kooperatsiya aloqalarini yo‘lga qo‘yish, respublikamizga investitsiya kiritish va hamkorlik o‘rnatish bo‘yicha ustuvor vazifalarni yo'lga qo'yadi Shuningdek, Gyeongbuk texnoparkining O'zbekistondagi vakolatxonasining rasmiy ochilishi bo'lib o'tdi.
Batafsil
2-4- oktyabr kunlari Koreya - O'zbekiston sanoat - akademiya, innovatsiyalar haftaligi!
📣Koreya - O'zbekiston sanoat - akademiya, innovatsiyalar haftaligi boshlandi! ▶️2-4 oktyabr kunlari ushbu haftalik doirasida Janubiy Koreyadan yetakchi 20 ta yirik tarmoq korxonalari, 13 ta nufuzli oliy ta’lim muassasalari hamda 3 ta ilg'or texnoparklardan umumiy 62 nafar delegatsiya vakillari tashrif buyurishgan. 💡Fan, taʼlim, innovatsiya, savdo-iqtisodiy, mashinasozlik va axborot texnologiyalari sohalarida hamkorlikni yanada rivojlantirish, ikki mamlakat oliy ta’lim muassasalari, kichik biznes vakillari hamda yirik tarmoq korxonalari o‘rtasida o‘zaro tajriba almashish hamda kooperatsiya aloqalarini yo‘lga qo‘yish, Respublikamizga investitsiya kiritish va hamkorlik o‘rnatish bo‘yicha uchrashuvlar hamda yarmarka tashkil etilmoqda. 🌐Shu munosabat bilan yurtimizdagi barcha kompaniyalarni, tadbirkorlarni va oliy ta'lim muassasalarini taklif etamiz va ushbu haftalikda faol qatnashishga chorlab qolamiz! Manzil: Inno technopark
Batafsil
Koreya - O'zbekiston sanoat - akademiya, innovatsiyalar haftaligi o'z ishini boshladi.
2-4- oktabr kunlari Inno innovastion o'quv ishlab chiqarish texnoparkida Koreya - O‘zbekiston sanoat - akademiya, innovatsiyalar haftaligi o'z ishini boshladi. Haftalik doirasida Janubiy Koreyadan yetakchi 20 ta yirik tarmoq korxonalari, 13 ta nufuzli oliy ta’lim muassasalari hamda 3 ta ilg'or texnoparklardan umumiy 62 nafar delegatsiya vakillari tashrif buyurdi. Tadbirni Oliy taʼlim, fan va innovatsiyalar vazirining birinchi oʻrinbosari Shohrux Daliyev, Koreyaning O'zbekistondagi elchisi Von Do Yon, Toshkent davlat texnika universiteti rektori Sadritdin Turabdjanov, Inno texnopark bosh direktori Mansur Sultanov, Gyeongbuk texnoparki bosh direktori Xa In sung ochib berdilar. Shuningdek, Gyeongbuk texnoparkining O'zbekistondagi vakolatxonasining rasmiy ochilishi bo'lib o'tdi. Haftalik doirasida ikki davlat texnoparklari o'rtasida shartnomalar, kelishuvlar va memorandumlar imzolanishi kutilmoqda.
Batafsil
Prezident Shavkat Mirziyoyev qurilish, taʼlim, turizm va sanoat sohalaridagi loyihalar taqdimoti bilan tanishdi.
Prezident Shavkat Mirziyoev 26 sentyabr kuni qurilish, ta'lim, turizm va sanoat sohalaridagi loyihalar taqdimoti bilan tanishdi. Ma'lumki, joriy yil 3 aprel kuni Yangi Toshkent shahrida ilk inshootlar qurilishi boshlangan edi. Davlatimiz rahbari bu ulkan loyiha ilm-fan va ma'naviyat maskanlaridan boshlanayotganiga urgʻu berib, “bular ma'rifatli jamiyat barpo etish gʻoyamizning asosi va namunasi boʻladi”, degan edi. Shulardan biri – Alisher Navoiy nomidagi xalqaro ilmiy-tadqiqot markazi, Adabiyot muzeyi va Milliy maqom markazini oʻz ichiga olgan majmuadir. U jahonga mashhur “Zaha Hadid architects” kompaniyasi tomonidan loyihalashtirilgan. Boʻlajak majmua oʻziga xos dizayni va funksionalligi bilan diqqatga sazovor. Unda estetika va qulaylik mohirona birlashtirilib, atrof-muhit bilan uygʻunlik hosil qiladi. Shu jihatlari bilan majmua kelgusida xalqaro turizm maskanlaridan biriga aylanadi. Yangi Toshkent uchun yana bir salohiyatli goʻsha – Chirchiq daryosi. Aholi va mehmonlarga zamonaviy sharoitlar yaratish maqsadida uning 6 kilometrga yaqin qismida dam olish hududi barpo etish moʻljallangan. Buning uchun qirgʻoqlar tartibga keltirilib, koʻkalamzorlashtiriladi. Mehmonxona, sogʻlomlashtirish va koʻngilochar maskanlar quriladi. Keyingi yillarda Oʻzbekistoning YuNESKO bilan hamkorligi yanada mustahkamlanib bormoqda. Ushbu nufuzli tashkilot Bosh konferensiyasining 43-sessiyasi 2025 yilda Samarqand shahrida oʻtkazilishi belgilangan. Oʻzbekiston Respublikasi Prezidentining shu yil 15 martdagi qaroriga muvofiq, bunga tayyorgarlik boshlab yuborilgan. Taqdimotda shu borada amalga oshirilayotgan ishlar hamda rejalar toʻgʻrisida axborot berildi. Xususan, Madaniyat va san'atni rivojlantirish jamgʻarmasi, YuNESKO ishlari boʻyicha Oʻzbekiston Respublikasi Milliy komissiyasi va boshqa tashkilotlar hamkorligida Samarqand shahridagi madaniy meros ob'ektlarini asrash, ular boʻylab sayohatlar va koʻrgazmalar tashkil etish choralari koʻrilmoqda. Mehmonxonalar va tadbirlar oʻtkaziladigan joylarda barcha sharoit yaratiladi. Sessiya ishtirokchilarining kelib ketishi, madaniy tadbirlar, transport va tibbiy xizmatlar muvofiqlashtirib boriladi. Ijtimoiy sohadagi eng katta yoʻnalishlardan biri bu ta'lim. Aholisining koʻpchiligi yosh boʻlgan mamlakatimizda uning barcha bosqichlari izchil rivojlantirilmoqda. Xususan, oliy ta'limda ham yangi maskanlar qurilib, sharoitlar yaxshilanmoqda. Buxoro davlat universitetida 21 mingdan ziyod yoshlar oʻqiydi, 10 ta fakultet, 8 ta yotoqxona bor. Lekin binolar shaharning turli hududlarida tarqoq joylashgan boʻlib, oʻqituvchi va talabalarga noqulayliklar tugʻdirmoqda. Shu bois Buxoro shahrining chekkasida universitet uchun yangi kampus qurish rejalashtirilmoqda. 43 gektarda loyihalashtirilayotgan majmuada barcha fakultetlar, ma'muriyat, yotoqxonalar, laboratoriyalar, kutubxona, stadion, sport zali va amfiteatr yaxlit joylashadi. Dars va amaliyot uchun zamonaviy sharoitlar yaratiladi. Yotoqxona oʻrni 3 mingtadan 6 mingtaga oshadi. Boʻsh maydonlarga daraxtlar ekilib, bogʻ barpo etiladi. Xiva shahri yurtimizning turizm manzillaridan biri. Soʻnggi yillardagi bunyodkorlik ishlari natijasida uning salohiyati yanada oshdi. Bu erga keluvchilarga qulaylik yaratish maqsadida poezd vokzali yonida yoʻl oʻtkazgich barpo etish moʻljallanmoqda. Loyihaga koʻra, 450 metrlik bu yoʻl transportlar qatnovini alohida tashkil etish imkonini beradi, vokzal va Ichan qal'a oʻrtasida piyodalar xavfsiz harakatlanadi. Davlatimiz rahbari loyihalarni takomillashtirish, amaldagi ishlarning sifatini oshirish boʻyicha koʻrsatmalar berdi. Taqdimotda Toshkent shahrida investisiya dasturlarining bajarilishi haqida ham axborot berildi. Qayd etilgandek, joriy yilning oʻtgan davrida 2 milliard dollar qiymatidagi investisiyalar oʻzlashtirilgan. 200 ga yaqin sanoat loyihalari foydalanishga topshirilib, 25 mingdan ziyod ish oʻrni yaratilgan. Jumladan, Yangihayot tumanidagi texnoparkda 46 ta korxona tashkil etilmoqda. Prezidentimiz yil yakunigacha moʻljallangan loyihalarni oʻz vaqtida ishga tushirish, energiya tejamkorlikka alohida ahamiyat qaratish zarurligini ta'kidladi.
Batafsil
INNO innovatsion o'quv- ishlab chiqarish texnoparkida kelgusidagi hamkorlik bo'yicha muzokaralar bo'lib o'tdi.
INNO innovatsion o'quv- ishlab chiqarish texnoparki bosh direktori Mansur Sultanov Skolkovo fan va texnologiyalar institutining maqsadli kapital jamg'armasi direktori va loyiha rahbari Andrey Andreeyevich, AQShning Oregon universiteti professori, Lomonosov nomidagi Moskva davlat universiteti ilmiy xodimi Mixail Giorgiyevich, loyiha maslahatchisi Anastasiya Shepkova va Timur Avazxodjayev bilan muzokaralar bo'lib o'tdi. Uchrashuv davomida O'zbekistondagi oliy o'quv yurtlari bilan hamkorlikda faoliyatni yo'lga qo'yish, texnika va innovatsion sohada tajriba almashish, kelgusida hamkorlikda loyihalarni amalga oshirish kabi masalalar ko'rib chiqildi. OTM muassasalarida texnika yo'nalishida tahsil olayotgan talaba - yoshlarga turli loyihalar tashkillashtirish va grantlar ajratish bo'yichga rejalar belgilandi va hamkorlikda amalga oshirish bo'yicha takliflar bildirildi.
Batafsil
Toshkent shahar prokuraturasi mas'ul hodimlari, Toshkent davlat texnika universiteti vakillari tashrif buyurdi.
INNO innovatsion o'quv ishlab chiqarish texnoparkiga Toshkent shahar prokuraturasi mas'ul hodimlari, Toshkent davlat texnika universiteti vakillari tashrif buyurdi. Texnopark faoliyati, ishlab chiqarish zonasi, laboratoriya uskunalari, rezidentlar mahsulotlari ko'rib chiqildi, Taklif va fikrlar o'rganildi. Bugungi kunda OTM bilan o'zaro hamkorlik o'rnatish, talaba yoshlarni startap g'oyalarini amaliyotga joriy qilish maqsadida "Ilg'or muhandislik maktablari" faoliyati yo'lga qo'yilgani alohida ta'kidlandi. Talaba yoshlar nazariy bilimlarini amaliyotda qo'llashga sharoit yaratilgani qayd etildi. Innovatsion soha rivojida olimlar, mutaxassislar, talaba - yoshlarning o'zaro hamkorlikdagi faoliyati muhim ekanligi aytib o'tildi.
Batafsil
Eron texnoparklari bilan kelgusidagi hamkorlik masalalari muhokama qilindi.
📌24 sentabr kuni INNO innovatsion o'quv ishlab chiqarish texnoparkiga Eron Islom Respublikasining ishlab chiqarish sanoati avtomatizatsiyasining eksport xizmati boshqaruvchi vakili Bonyan Calay Iranian tashrif buyurdi. ▶️Texnopark bosh direktori Mansur Sultanov yaratilgan shart - sharoitlar va imtiyozlar haqida batafsil ma'lumot berib o'tdi, hamda texnopark rezidentlari tomonidan tayyorlangan mahsulotlar ko'zdan kechirildi. 🌐Muzokaralar bo'lib o'tdi, o'zaro hamkorlik masalalari muhokama qilinib, rejalar belgilab olindi.Kelgusidagi kelishuvlar innovatsion soha rivoji uchun muhim ekanligi ta'kidlandi. 🤝Ushbu hamkorlik ikki davlat texnoparklari o'rtasida tajriba almashish, yangi texnologiyalarni yaratilishiga asos bo'lib xizmat qiladi.
Batafsil
Toshkent shahridagi Turin politexnika universiteti va Janubiy Koreyaning Yeungnam universiteti qo‘shma ta'lim dasturining rasmiy ochilish marosimi bo'lib o'tdi
Joriy yilning 20 sentyabr kuni, Toshkent shahridagi Turin Politexnika Universitetining Janubiy Koreya bilan hamkorlikdagi qoʻshma IT fakulteti — AKITA "Academy of Korea IT Allianc"ning rasmiy ochilish marosimi boʻlib oʻtdi. Tadbirda Janubiy Koreya Respublikasi Milliy Assambleyasi, INNO innovatsion o'quv ishlab chiqarish texnoparki bosh direktori Mansur Sultanov, ikki davlatning 30 ga yaqin IT soha vakillari hamda nufuzli oliy ta'lim muassasalari rektorlari ishtirok etdi. Tadbir ishtirokchilari "AKITA"ning ochilishi Oʻzbekiston va Koreya oʻrtasidagi aloqalarni mustahkamlash, mamlakatda innovasion texnologiyalarni rivojlantirish, xalqaro standartlarga muvofiq yuqori darajadagi IT-mutaxassislarini tayyorlashda muhim qadam boʻlishini ta'kidladilar.
Batafsil
Janubiy Koreyalik mutaxassislar texnoparkka tashrif buyurdi.
Janubiy Koreya investitsiyalar va texnologiyalarni rag'batlantirish ofisi direktori Shin Maengho, sanoatni takomillashtirish uyushmasi prezidenti Kim Taewhan boshchiligidagi delegatsiya vakillari INNO innovatsion o'quv ishlab chiqarish texnoparkiga tashrif buyurdi. Tashrif buyurgan mehmonlar ikki tomonlama hamkorlik aloqalarini mustahkamlash, ilg'or texnologiyalarni joriy etish, hamda texnopark faoliyati bilan yaqindan tanishdi. Ishlab chiqarish zonasidagi ish jarayonlari, metall kesish, qolip yasash dastgohlari ko'zdan kechirildi.Ish jarayonlari yuzasidan batafsil ma'lumot berildi. Shuningdek, texnoparkda amalga oshirilayotgan yangi ishlanmalar hamda ilmiy-innovatsion loyihalar bilan tanishildi. Kelgusidagi hamkorlik yuzasidan fikr - mulohazalar almashinib, rejalar belgilab olindi.
Batafsil
“Qishloq xo‘jaligi va oziq-ovqat texnologiyalarini tadqiq qilish” mavzusida xalqaro ilmiy amaliy anjumani o'z ishini boshladi.
Ushbu anjuman Turkiya davlati Chukurova universiteti, Turkiya Sharqiy Oʻrta Yer dengizi qishloq xo'jaligi ilmiy-tadqiqot instituti, Islom Karimov nomidagi Toshkent davlat texnika universiteti, Don va dukkakli ekinlar ilmiy-tadqiqot instituti, Toshkent davlat agrar universiteti, Qishloq xo‘jaligini mexanizatsiyalash ilmiy-tadqiqot instituti bilan hamkorlikda tashkil etildi. Anjumanda Turkiya Respublikasi, Ozаrbayjon Respublikasi, Qozog‘iston Respublikasi, Pokiston Islom Respublikasi va boshqa chet el universitetlarining yetakchi olimlari ва professorlari ishtirok etishmoqda. Shuningdek, qishloq xo'jaligi va atrof-muhit, bioenergiya va bioyoqilg'i texnologiyalari, issiqxona texnologiyalari, quritish texnologiyalari, biotexnologiya, qishloq xo‘jaligi texnika va texnologiyalarining zamonaviy muammolariga innovatsion yechim topish, oziq - ovqat texnologiyalari sohasidagi yetakchi mutaxassislar bilan hamkorlik aloqalarini kengaytirish hamda tajriba almashishdan iborat.
Batafsil
INNO innovatsion o'quv ishlab chiqarish texnoparkiga Janubiy Koreyaning Gyeonggi viloyati yoshlari tashrif buyurdi.
Tashrif buyurgan mehmonlar texnopark hududidagi zamonaviy ishlab chiqarish dastgohlari, innovatsion salohiyatini rivojlantirishga qaratilgan robototexnika va elektronika, biotexnologiya, standartlashtirish va metrologiya laboratoriyalari faoliyati bilan tanishdi. Yoshlarga texnoparkdagi elektronika va robototexnika yo'nalishlari bo'yicha, hamda amalga oshirilayotgan loyihalar to'g'risida ma'lumotlar berildi.
Batafsil
Janubiy Koreyadan Jong Min Park boshchiligidagi delegatsiya vakillari tashrif buyurdi.
INNO innovatsion o'quv-ishlab chiqarish texnoparkiga Janubiy Koreyadan Jong Min Park boshchiligidagi delegatsiya vakillari tashrif buyurdi. International Drone Standart Industry Association (IDSIA) kompaniyasi vakillari texnoparkdagi ish jarayonlari, ishlab chiqarish zonasi faoliyati, laboratoriya xonalarini ko'zdan kechirdi. Shuningdek, texnopark faoliyati yuzasidan ma'lumotlar berildi. Uchrashuv davomida muzokaralar amalga oshirildi, kelgusidagi hamkorlik yuzasidan rejalar belgilab olindi.
Batafsil
Vazirlik delegatsiyasi vakillari Xitoyning Uhan shahrida konferensiyada ishtirok etishmoqda
22-iyul 2-avgust kunlari Xitoyning Uhan shahrida BMT ning Savdo va taraqqiyot bo'yicha konferensiyasining "Ilm-fan, texnologiyalar va innovatsion parklarni rivojlantirish" (Science, Тесhnоlоgу аnd Innоvаtiоn Parks sustainable for development) loyihasi seminari bo'lib o'tmoqda. Seminarda INNO innovatsion o'quv-ishlab chiqarish texnoparki bosh direktori Mansur Sultanov ishtirok etmoqda. Seminarning 1-kunida Xitoyning rivojlanish jarayoni va innovatsion inkubatorlar tendensiyasi mavzularida maʼruzalar bo‘lib o‘tdi, rivojlanish tajribalarini o'rganildi. Loyiha doirasida O’zbekiston va Xitoy texnoparklari, biznes-inkubator va akseleratorlari o’rtasida ikki tomonlama hamkorlikni yo’lga qo'yish, jumladan, tajriba almashinuvi, kadrlar malakasini oshirish hamda startap va innovatsion loyihalarni rivojlantirish bo'yicha qo’shma o’quv dasturlarini tashkillashtirish ko’zda tutilgan.
Batafsil
Toshkent shahridagi Belarus - O'zbekiston qo'shma tarmoqlararo amaliy texnik kvalifikatsiyalar instituti bilan memorandum imzolandi.
INNO innovatsion o'quv-ishlab chiqarish texnoparkida Toshkent shahridagi Belarus - O'zbekiston qo'shma tarmoqlararo amaliy texnik kvalifikatsiyalar instituti bilan memorandum imzolandi. Texnopark bosh direktori Mansurbek Sultanov va institut ijrochi direktori Azizbek Bahodirov o'zaro hamkorlik memorandumini imzoladi. Ushbu hamkorlik kelgusida zamonaviy texnologiyalar va robototexnika, raqamli texnologiyalar sohasida ilmiy- tadqiqot ishlarini olib borish va o'zaro tajriba almashish imkonini beradi. Shuningdek, fan va texnikaning rivojlanishiga, professor- o'qituvchilar hamda talaba- yoshlarning o'zaro hamkorligini o'rnatishga zamin yaratadi.
Batafsil
Toshkent shahridagi Belarus O'zbekiston qo'shma tarmoqlararo amaliy texnik kvalifikatsiyalar instituti vakillari tashrif buyurdi
Prezident Shavkat Mirziyoyev "INNO" innovatsion o'quv-ishlab chiqarish texnoparkiga tashrifi davomida muhandislik sohalarida kadrlar tayyorlash va oliy ta'lim muassasalari faoliyatini yanada takomillashtirish yuzasidan videoselektor yig'ilishida sohani rivojlantirish masalasi ilgari surilgan edi. Yig'ilishda berilgan topshiriqlarga ko’ra, joriy yilning 10-iyul kuni Toshkent shahridagi Belarus O'zbekiston qo'shma tarmoqlararo amaliy texnik kvalifikatsiyalar instituti ijrochi direktori A.Baxodirov boshchiligidagi o'quv-uslubiy bo'lim boshlig'i, fakultet dekanlari va kafedralari mudirlaridan iborat ishchi guruh "INNO" innovatsion o’quv-ishlab chiqarish texnoparki direktori M.Sultanov tomonidan texnopark faoliyati va u yerdagi imkoniyatlar bilan tanishtirildi. Tashrif davomida ikki tomonlama Memorandum tuzish orqali texnoparkda talabalar amaliyotini tashkil qilish, hamkorlik ishlarini yo'lga qo'yish, birgalikda xalqaro ilmiy-innovatsion loyihalarda ishtirok etish kabi masalalar ko’rib chiqildi.
Batafsil
Davlat xizmatlari va ijtimoiy innovatsiyalar davlat agentligi vakillari bilan uchrashuv bo'lib o'tdi.
"Inno" innovatsion o'quv ishlab chiqarish texnoparkida Ozarbayjon Respublikasi Prezidenti huzuridagi Davlat xizmatlari va ijtimoiy innovatsiyalar davlat agentligi vakillari bilan uchrashuv bo'lib o'tdi. Uchrashuvda texnopark bosh direktori Mansurbek Sultanov, “Yashnobod innovatsion texnopark”i direktori Abdulxamidov Shoxjaxon, protokol xizmati boshlig'i Otaxonov Rasulbek hamda Ozarbayjan Respublikasi Prezidenti huzuridagi Davlat xizmatlari va ijtimoiy innovatsiyalar davlat agentligi raisi Jeyhun Salmonov va xalqaro hamkorlik bo‘limi boshlig‘i o'rinbosari Turana Gasimova bilan o'zaro hamkorlik yuzasidan muzokaralar olib borildi. Uchrashuv davomida ikki mamlakat vakillari kelgusida innovatsion faoliyatni rivojlantirish maqsadida o'zaro fikr almashish, hamda iqtidorli yoshlarni qo'llab- quvvatlash maqsadida stajirovkalar tashkil etish bo'yicha kelishuvlar amalga oshirildi. Ilmiy - texnikaviy, innovatsion sohani rivojlantirish bo'yicha hamkorlik masalalari muhokama qilindi, rejalar belgilab olindi.
Batafsil
Oliy ta'lim muassasalari talabalari amaliyot jarayonlarini amalga oshirmoqda
INNO innovatsion o'quv-ishlab chiqarish texnoparkida oliy ta'lim muassasalari talabalari amaliyot jarayonlarini amalga oshirmoqda. Talaba - yoshlar Ishlab chiqarish zonasidagi dastgohlarda ishlash bilan bir qatorda nazariy olgan bilimlarini amaliyotda qo'llamoqda. Davlatimiz rahbari tomonidan muhandislik sohalarida kadrlar tayyorlash va oliy ta’lim muassasalari faoliyatini yanada takomillashtirish bo‘yicha belgilab berilgan qator topshiriqlar ijrosini sifatli ta’minlashga qaratilgan amaliy chora-tadbirlar doirasida texnoparkda talaba - yoshlar uchun barcha shart- sharoitlar yaratilgan. Shuningdek, “tarmoq – korxona oliygoh” zanjiri asosida har bir oliygoh sanoat hamkorini topish va dual ta’limni yo‘lga qo‘yish borasida Toshkent Traktor zavodi hamda Uzautomotors bilan hamkorlik o'rnatilgan.
Batafsil
Turkiyaning Bilkent Cyberpark kompaniyasi vakili Faruk Inaltekin tashrif buyurdi
INNO innovatsion o'quv ishlab chiqarish texnoparkiga Turkiyaning Bilkent Cyberpark kompaniyasi vakili Faruk Inaltekin tashrif buyurdi Tashrif davomida texnopark faoliyati, rezidentlar mahsuloti, ishlab chiqarish zonasidagi ishlar ko'zdan kechirildi. Rezidentlar mahsulotlari, ularga berilgan imtiyozlar haqida ma'lumotlar berildi. Kelgusidagi hamkorlik va loyihalar taqdimoti amalga oshirildi. Shartnoma va rejalar kelishib olindi. Bilkent Cyberpark - 2002-yilda Turkiyaning birinchi va eng mashhur bo'lgan Bilkent universiteti tomonidan hamkorlikda tashkil etilgan fan va texnologiya parkidir. Turli sohalardagi 300 dan ortiq yetakchi kompaniyalari, tadqiqot markazlari, mikro-nanochip zavodi va texnologiyaga asoslangan tadbirkorlik markazlari mavjud.
Batafsil
Rezidentlar faoliyatini tashkil etish bo'yicha ichki komissiya yig'ilishi bo’lib o’tdi
INNO innovatsion o'quv- ishlab chiqarish texnoparkida rezidentlar faoliyatini tashkil etish bo'yicha ichki komissiya yig'ilishi bo’lib o’tdi Ushbu komissiya texnoparkning rivojlanishi uchun muhim bo'lgan yangi rezidentlarni qabul qilish tartibi va mezonlarini ishlab chiqish va takomillashtirish maqsadida tashkil etildi. Yig’ilishda bosh direktor Mansurbek Sultanov, rezidentlar bilan ishlash boʻlimi hodimlari Shoxruh Toshmatov, Xamidulla Mahamatov, Azizjon Akramov hamda bir qancha rezidentlikka nomzod tadbirkorlar qatnashdilar. Yig'ilish yakunida mavjud rezident maqomini olish tizimini yaxshilash bo'yicha tavsiyalar qabul qilindi va kelgusida rezident maqomini olish istagida bo’lgan tadbirkorlarni faoliyati bilan tanishish va ular bilan istiqbolli hamkorlikda ishlash hamda soliq imtiyozlaridan to’g’ri foydalanish bo’yicha ma’lumotlar berildi.
Batafsil
Rossiya - O’zbekiston ta’lim forumi bo'lib o'tdi.
24–25-iyun kunlari Rossiya Federatsiyasining Vladivostok shahrida “Kelajak taʼlim makoni: yangi kompetensiyalar, innovatsiyalar, texnologiyalar” mavzusida Rossiya-Oʻzbekiston toʻrtinchi taʻlim forumi bo‘lib o‘tdi. Forumda O‘zbekiston Respublikasi va Rossiya Federatsiyasi Prezidentlari Administratsiyalari, ta’lim vazirliklari, oliy va professional ta’lim muassasalari, IT, madaniyat va madaniy meros, yoshlar tashkilotlaridan jami 150 nafarga yaqin ishtirokchi qatnashdi. Oliy taʼlim, ilm-fan va innovatsion texnologiyalar sohasida ikki tomonlama hamkorlikni yangi bosqichga ko‘tarishga xizmat qiladigan mazkur forumda qator masalalar muhokama qilindi. Jumladan, ikki davlat rahbarlarining tashabbusi bilan o‘tkazilayotgan rektorlar forumlari bugungi kunga kelib o‘z ichiga ta’limning barcha bosqichlarini, ilm-fan, madaniyat, tibbiyot, ishlab chiqarish sohalarini qamrab olgan muhim xalqaro platformaga aylangani ta’kilandi.
Batafsil
“Tarmoq – korxona oliygoh” asosida dual ta’limni yo‘lga qo‘yish borasida takliflar muhokamasi
Oliy ta’lim, fan va innovatsiyalar vaziri Qo‘ng‘irotboy Sharipov davlat rahbari raisligida o‘tgan yig‘ilishda muhandislik kadrlarini tayyorlash tizimida mavjud yutuq va kamchiliklar qayd etib o‘tilgani, shu bilan birga, kelgusida sohada amalga oshirish lozim bo‘lgan ustuvor vazifalar belgilab berilganini qayd etib, ularga to‘xtalib o‘tdi Shundan so‘ng, oliygohlar rahbarlari va soha mutaxassislarining tizimni rivojlantirish bo‘yicha taklif va mulohazalari tinglandi Shuningdek, “tarmoq – korxona oliygoh” zanjiri asosida har bir oliygoh sanoat hamkorini topish va dual ta’limni yo‘lga qo‘yish borasida takliflar muhokama qilindi 10 ta oliygohda “Oliy muhandislik maktablari” ochilishi, bunda har bir hududdan muhandislik sohasida ilg‘or oliy ta’lim muassasalari tanlab olingan holda faoliyatini yo‘lga qo‘yish maqsadga muvofiqligi bildirildi
Batafsil
“Eng yaxshi g‘oya”, “Eng yaxshi loyiha” va “Eng yaxshi ixtiro” respublika tanlovi o‘tkaziladi.
Muhandislik yo‘nalishlari bo‘yicha “Eng yaxshi g‘oya”, “Eng yaxshi loyiha” va “Eng yaxshi ixtiro” respublika tanlovi o‘tkaziladi. Tanlovda o‘qituvchilar, talabalar va amaliyotchi muhandislar ishtirok etishi mumkin bo‘ladi. Birinchi o‘ringa elektromobil beriladi. Shuningdek, g‘oya, loyiha va ixtiro muallifi bo‘lgan eng zo‘r 10 nafar ishtirokchi Germaniya, Yaponiya, Xitoy, Rossiya, Italiya, Turkiya, Janubiy Koreya, Singapur kabi davlatlarga stajirovkaga yuboriladi. Bu maqsadlar uchun har yili 15 milliard so‘m ajratiladi.
Batafsil
Prezident Shavkat Mirziyoyev “Inno” innovatsion o‘quv-ishlab chiqarish texnoparkiga tashrif buyurdi
Prezident Shavkat Mirziyoyev "Inno" innovatsion o‘quv-ishlab chiqarish texnoparkida bo‘ldi. Texnoparkda sanoat sohalarini rivojlantirish uchun innovatsion g‘oya va ixtirolar ishlab chiqiladi. Yoshlarni zamonaviy kasblarga o‘rgatish maqsadida oliy ta’lim muassasalari bilan hamkorlik yo‘lga qo‘yilgan. Har yili 15 ming nafarga yaqin talaba va o‘quvchilar ishtirokida seminar, amaliy mashg‘ulotlar tashkil etiladi. Yurtimizda bunday innovatsion markazlar ko‘payib bormoqda. Sanoat, energetika va axborot texnologiyalari rivojlanib, yangi-yangi majmualar ishga tushirilmoqda. Ular uchun zamonaviy bilim va malakaga ega muhandis va texniklar kerak. Shu yerda Toshkent davlat texnika universiteti, Buxoro muhandislik-texnologiya instituti, Toshkent davlat Transport universiteti, Farg‘ona politexnika instituti, Toshkent arxitektura-qurilish universiteti va Toshkent axborot texnologiyalari universiteti huzurida tashkil etilayotgan oliy muhandislik maktablari taqdimoti o‘tkazildi. O‘zbekiston Respublikasi Prezidentining 2024-yil 2-fevraldagi qarorida bu borada qator vazifalar belgilangan. Xususan, qarorga muvofiq, muhandislik-texnika yo‘nalishida kadrlar tayyorlaydigan oliy ta’lim muassasalari tashkiliy-boshqaruv faoliyati takomillashtirilmoqda. Amaldagi o‘quv dasturlarining zamonaviy texnologiyalar va ish beruvchilar talabiga muvofiqligi o‘rganilib, tubdan o‘zgartirilmoqda. Davlatimiz rahbariga shular haqda ma’lumot berildi. Dastlabki bosqichda 10 ta oliy ta’lim muassasasi huzurida oliy muhandislik maktablari ochiladi. Maktabning kuzatuv kengashiga olimlar bilan birga hamkor korxonalar vakillari a’zo bo‘ladi. Ushbu maktablarda ikki yillik amaliy magistratura dasturlari yo‘lga qo‘yilib, ishlab chiqaruvchilar buyurtmasi asosida nomzodlar saralab olinadi. Birinchi yil talabalar korxonalar buyurtmasi asosida yangi mahsulotlarni loyihalashtiradi, ilmiy izlanishlar o‘tkazadi, bu borada chuqurlashgan modul dasturlar asosida o‘qitiladi. Ikkinchi yil yangi mahsulotlar bo‘yicha tajriba-konstruktorlik namunalarini yaratish bilan bog‘liq texnologik jarayonlarni korxonalarda sinovdan o‘tkazadi. Prezident oliy ta’lim muassasalaridagi ilmiy izlanishlarning hayotiyligi va samaradorligiga ahamiyat berdi. Ta’lim tizimiga qaratilayotgan e’tibor ilm-fan yutuqlarida o‘z ifodasini topishi kerakligi qayd etildi. Davlatimiz rahbari olimlarning ixtirolari, ilg‘or ishlanmalar bilan ham tanishdi. Jumladan, energiya tejamkor uskunalar, yuklama ortishi sabab transformatorlar portlashidan himoyalovchi sovutish tizimi, neft-gaz sohasida muhim bo‘lgan kimyoviy reagentlar, bunyodkorlik, yo‘lsozlikdagi zamonaviy yondashuvlar, suv inshootlari uchun muhandislik loyihalari, axborot texnolgiyalariga oid zamonaviy ixtirolar haqida ma’lumot berildi.
Batafsil
Anjuman ishi yalpi majlislarda davom etdi
Unda ikki davlat muhandislik-texnika sohalariga ixtisoslashgan oliy ta’lim muassasalari rektorlari ilg‘or muhandislik maktablarini yaratish tajribasi, texnik ta’limni rivojlantirishning dolzarb yo‘nalishlari, fan va ishlab chiqarish sohasidagi hamkorlik istiqbollari bo‘yicha ma’ruza qilishdi. oshkent texnika universiteti rektori, akademik S.Turabjanov o‘z ma’ruzasida ilg‘or muhandislik maktablarini tashkil etish bo‘yicha amalga oshirilayotgan ishlarga alohida e’tibor qaratdi. Jumladan, “Energiyani tejash va qayta tiklanadigan energiya manbalari” laboratoriyasi, 600 kVt quvvatga ega transformatorlar sinov poligoni, shuningdek, 1,8 MVt quvvatga ega quyosh va shamol elektr stansiyasining sinov poligoni yaratildi. Bundan tashqari, NSP uskunalari uchun texnik shartlar ishlab chiqilib, jihozlar va moddiy-texnika baza bilan ta'minlandi. Akademik, o‘z navbatida, ilg‘or muhandislik maktablarini yaratish va rivojlantirish bo‘yicha o‘z takliflarini berdi. “MPEI” Milliy tadqiqot universiteti rektori Nikolay Rogalev Rossiya energetika sohasi uchun kadrlar tayyorlash masalasida “MPEI” Milliy tadqiqot universiteti tajribasi bilan o‘rtoqlashdi. “MPEI” Milliy tadqiqot universiteti qoshida bugungi kunda mamlakatimizdagi yagona o‘quv va tajriba issiqlik elektr stansiyasi mavjud bo‘lib, u zamonaviy yuqori samarali kombinatsiyalangan siklli energiya bloki bilan jihozlangan. 700 dan ortiq tashkilotlar, jumladan, Rossiya Federatsiyasi Energetika vazirligi, Gazprom, Rosatom va boshqalar bilan hamkorlik yo‘lga qo‘yilgan. Toshkent davlat transport universiteti prorektori A. G‘ulomov transport injiniringi ilg‘or muhandislik maktabi haqida ma’ruza qildi. NSP transport injiniringining maqsad va vazifalari, xususan, ta’lim, fan va ishlab chiqarish sohalarida real loyihalarga jalb qilish orqali transport muhandisligi va vagon qurilishi sohasida jahon darajasidagi muhandislarni tayyorlashdan iborat.
Batafsil
“Ilmiy-texnika taraqqiyoti sharoitida oliy texnik ta’lim istiqbollari” mavzusida anjuman o'z ishini boshladi
“Ilmiy-texnika taraqqiyoti sharoitida oliy texnik ta’lim istiqbollari” mavzusidagi anjuman o‘z ishini boshladi Unda Rossiya fan va oliy ta’lim vaziri o‘rinbosari Dmitriy Afanasyev boshchiligida tashrif buyurgan 15 ga yaqin muhandislik-texnika sohalariga ixtisoslashgan nufuzli oliy ta’lim muassasalari rektorlaridan iborat delegatsiya va O‘zbekiston tomonidan 35 ortiq oliy ta’lim muassasalari rahbarlari, vazirlik va idoralar mas’ullari qatnashmoqda. Tadbirni O‘zbekiston Respublikasi oliy ta’lim, fan va innovatsiyalar vaziri Qo‘ng‘irotboy Sharipov hamda Rossiya Federatsiyasi fan va oliy ta’lim vaziri o‘rinbosari Dmitriy Afanasyev ochib berdi. Konferensiyada yuqori malakali kadrlar tayyorlash tizimining barqaror rivojlanishiga erishish uchun akademik mobillik va mehnat bozorida eng ko‘p talab qilinadigan yo‘nalishlar va mutaxassisliklar bo‘yicha kadrlar tayyorlash sohasida loyihalarni amalga oshirish qayd etildi.
Batafsil
"Made in Univer" innovatsion ishlanmalar ko'rgazmasi
Joriy yilning 18 - may kuni, “Toshkent shahar hokimligi”, “Yoshlar ishlari agentligi”, “Yoshlar Akademiyasi” va “Oliy ta’lim fan va innovatsiyalar vazirligi” bilan hamkorlikdagi “Talaba-Fest” loyihasi doirasida barcha bitiruvchi talabalar hamda, iqtidorli yoshlar o’rtasida "Innovatsion texnologiyalar" ko’rgazmasi bo’lib o’tdi. Tadbir yakunida, “Eng yaxshi innovatsion g’oya” egalari hakamlar hay'ati tomonidan baholandi va taqdirlandi. Shuningdek tadbirda Oliy ta'lim fan va innovatsiyalar vaziri o'rinbosari Otabek Mahkamov va Toshkent shahar hokimi o'rinbosari Durdona Rahimovalar so'zga chiqdi.
Batafsil
O’zbekiston davlat jahon tillari universiteti bilan hamkorlik yo'lga qo'yildi
16-may kuni O’zbekiston davlat jahon tillari universiteti hamda “INNOTEXNOPARK” MCHJ o’rtasida hamkorlik memorandumi imzolandi. Mazkur hamkorlik shartnomasini imzolashdan ko’zlangan asosiy maqsad, talabalarga faqat til o’rgatish bilan cheklanib qolmay, ularni kasbga yo’naltirish, amaliy ko’nikmalarini rivojlantirishdan iborat. Memorandumga ko’ra hamkor tomonlar: - texnik soha bilan bog'liq barcha yo'nalishlar va mutaxassisliklar bo’yicha kadrlarni birgalikda tayyorlashda hamkorlikni mustahkamlash va rivojlantirishga ko'maklashish; - kompaniyalarning xorijiy vakillari bilan amaliyot o’tkazish, innovatsion yo'nalishlar bo’yicha startaplar, loyihalarni ishga tushirish, nazariy va amaliy bilimlar almashish orqali texnologiya bo'yicha to'plangan tajribadan foydalanish, qisqa muddatli o'quv yoki ma'ruza kurslari, professional seminarlar, biznes o'yinlari, treninglar, fan bo'yicha mahorat darslarini tashkil etish; - texnik soha bilan bog’liq barcha yo'nalishlarda bakalavr va magistrlarning ishlab chiqarish va ilmiy amaliyotini tashkil etishda yordam ko’rsatish, talabalar, ilmiy-pedagog xodimlar ishlab chiqarish, o'quv laboratoriyasi, ilmiy amaliyoti yoki stajirovkalarini tashkil etishga ko'maklashish,; - ilmiy-pedagog kadrlar, xodimlar yoki mutaxassislarning malakasini oshirish va kasbiy qayta tayyorlashni tashkil etish; - ishlab chiqarishni optimallashtirish, ilmiy asoslangan va ishonchli axborot asosida ilmiy maqolalar chop etish; - mutaxassislar almashinuvida yordam berish, qo'shma tadqiqot loyihalarini amalga oshirish; -milliy va xalqaro konferensiyalar, simpoziumlar va davra suhbatlarini tashkil etish, yosh mutaxassislarni rag’batlantirish uchun ommaviy yoshlar tadbirlarini (tanlovlar, sport musobaqalari, ijodiy tadbirlar va ixtisoslashtirilgan kechalar) o'tkazish kabi masalalar bo’yicha kelishuvlarga erishdi.
Batafsil
George Fox Universiteti (AQSh) va INNO texnopark o'rtasida memorandum imzolandi
Amerika Qo'shma Shtatlarining George Fox universitetidan kelgan professor-o'qituvchilar INNO innovatsion o'quv- ishlab chiqarish texnoparki faoliyati bilan tanishdi. Joriy yilning 16 may kuni Dr Robert Harder boshchiligidagi bir guruh professor - o'qituvchilar va mutaxassislar texnoparkdagi ishlab chiqarish jarayonlari, yoshlarning innovatsion ixtiro va ishlanmalari bilan tanishdilar. Tashrif davomida George Fox Universiteti (AQSh) va INNO innovatsion o'quv- ishlab chiqarish texnoparki o'rtasida hamkorlik memorandumi imzolandi. Ushbu hamkorlik ikki davlat o'rtasida ta'lim, fan, innovatsiya sohasidagi hamkorlikni amalga oshirish hamda tajriba almashish imkonini beradi. Shuningdek, kelgusida muhandislik va ilmiy-akademik hamkorlikni rivojlantirishga zamin yaratadi.
Batafsil
O'zbekiston davlat jahon tillari universitetida "Zamonaviy tarjimashunoslik va tilshunoslikning dolzarb masalalari" deb nomlangan ilmiy-amaliy anjuman tashkil etildi.
O'zbekiston davlat jahon tillari universitetida "Zamonaviy tarjimashunoslik va tilshunoslikning dolzarb masalalari" deb nomlangan ilmiy-amaliy anjuman tashkil etildi. Uchrashuvda texnopark hodimlari o'z taqdimotlari bilan ishtirok etdilar. Zamonaviy tarjimashunoslikka yangi texnologiyalarni joriy qilish, yangi dastur va loyihalarni ishlab chiqish bo'yicha fikr, mulohazalar bildirildi. Tadbir so'nggida sertifikat va esdalik sovg'alari taqdim etildi. Kelgusidagi hamkorlik bo'yicha kelishuvlar amalga oshirildi.
Batafsil
Gyeong- Buk Techno Park va INNO o'zaro hamkorlik Memorandumini imzoladi.
INNO innovatsion o'quv ishlab chiqarish texnoparki direktori Janubiy Koreya Respublikasiga xizmat safarini amalga oshirmoqda. Tashrif davomida "Gyeong- Buk Techno Park" binosida INNO innovatsion o'quv ishlab chiqarish texnoparkining Koreyadagi yangi ofisi rasmiy ochilish marosimi bo'lib o'tdi. Gyeongbuk TechnoParki bugungi kunda mahalliy sanoatni rivojlantirish, biznesni qo'llab-quvvatlash, innovatsiyalarning markazi sifatida mahalliy iqtisodiyot rivojiga hissa qo'shib kelmoqda. Shuningdek, korxonalar, universitetlar, ilmiy tadqiqot institutlari hamkorligini ham ta'minlaydi. Shundan so'ng Koreya Respublikasining ilmiy- tadqiqot markazlari, universitetlari bilan o'zaro hamkorlikni yo'lga qo'yish yuzasidan muzokaralar amalga oshirildi va memorandum imzolandi. Memorandum "Gyeongbuk TechnoPark" ijro etuvchi direktori Ha In Su va INNO innovatsion o'quv-ishlab chiqarish texnoparki bosh direktori Mansur Sultonov tomonidan imzolandi. Koreya Respublikasi va O'zbekiston texnoparklari o'rtasida ikki tomonlama hamkorlikni kengaytirish, axborot almashish, ikkala mamlakat uchun eksport faoliyatini soddalashtirish va investitsiyalarni jalb qilish maqsadida ma'muriy qo'llab- quvvatlash o'rin olgan. Shuningdek, iqtidorli yoshlarning loyihalarini qo'llab- quvvatlash, tadbirkorlarni innovatsion faoliyatga keng jalb qilish yuzasidan tajriba almashish ko'zda tutilgan. Ushbu hamkorlik innovatsion, ilmiy- texnikaviy faoliyatni qo'llab - quvvatlash va rivojlantirishda muhim o'rin tutadi.
Batafsil
Rossiya delegatsiyasi “INNO” texnopark faoliyati bilan tanishdi
Oliy taʼlim, fan va innovatsiyalar vaziri Qo‘ng‘irotboy Sharipov Rossiya Federatsiyasi Yangi loyihalarni ilgari surish boʻyicha strategik tashabbuslar agentligi bosh direktori S.V. Chupsheva boshchiligidagi delegatsiya texnoparkda yaratilgan sharoitlar hamda ish faoliyati bilan tanishtirdi. Delegatsiya tarkibida Rossiya Federatsiyasi Prezidentining raqamli va texnologik rivojlanish bo'yicha maxsus vakili, NTI platformasi ANO bosh direktori Dmitriy Peskov Skolkovo fan va texnologiya institutining aloqa va jamiyatni rivojlantirish bo‘yicha vitse-prezidenti Aleksey Sitnikov ham bo'lib, ular texnopark yoshlari tomonidan yoʻlga qoʻyilayotgan loyihalar va ishlab chiqarish zonasi koʻzdan kechirdilar. Mehmonlarga texnopark rezidentlariga yaratilgan imtiyoz, preferensiyalar haqida maʼlumot berildi. Shuningdek, texnopark hududidagi zamonaviy ishlab chiqarish dastgohlari, innovatsion salohiyatini rivojlantirishga qaratilgan robototexnika va elektronika, biotexnologiya, standartlashtirish va metrologiya laboratoriyalari faoliyati ko‘rsatildi. So‘ng ikki tomonlama hamkorlik istiqbollari va imkoniyatlari bo‘yicha aloqalarni faollashtirish yuzasidan muzokaralar olib borilib, kelgusidagi rejalar belgilab olindi.
Batafsil
IV-xalqaro ilmiy-texnik anjumani bo'lib o'tdi.
“INNO" innovatsion o‘quv-ishlab chiqarish texnoparkida "Innovatsion texnika va texnologiyalarning qishloq xo'jaligi – oziq-ovqat tarmog'idagi muammo va istiqbollari" mavzusidagi IV-xalqaro ilmiy-texnik anjumani bo'lib o'tdi. Ushbu anjuman ta’lim muassasalari, jumladan, O‘zbekiston Respublikasi Fanlar akademiyasi, Toshkent davlat texnika universiteti, "Shayana Farm" kompaniyasi, Vebster universiteti, Toshkent shahridagi Inxa universiteti vakillari ishtirokida tashkil etildi.
Batafsil
Qozog'iston Respublikasi Inter Partner kompaniyasi direktori bilan muzokaralar bo'lib o'tdi.
“INNO" innovatsion o‘quv-ishlab chiqarish texnoparkida Qozog'iston Respublikasi Inter Partner kompaniyasi direktori Zeynegul Bisenova bilan muzokaralar bo'lib o'tdi. Qo'shni davlat vakili bilan suhbatda o'zaro hamkorlik masalalari muhokama qilindi. Korhonalar faoliyati, ishlab chiqarish va import- eksport bo'yicha tajriba almashildi. Suhbat davomida tomonlar oʻrtasidagi hamkorlikning ustuvor yoʻnalishlaridan biri bu innovatsion mahsulot, texnika- texnologiya ekani qayd etilib, ikki davlat oʻrtasidagi aloqalarni yanada kengaytirish, shu jumladan, kelgusida kelishuvlarni amalga oshirish belgilab olindi.
Batafsil
Xitoy Xalq Respublikasining delegatsiya vakillari tashrif buyurdi.
“INNO" innovatsion o‘quv-ishlab chiqarish texnoparkiga Xitoy Xalq Respublikasining Shandon provinsiyasi tashqi savdo professional kolleji rektori va mas'ul hodimlari tashrif buyurdi. Tashrif buyurgan mehmonlar texnopark hududidagi zamonaviy ishlab chiqarish dastgohlari, innovatsion salohiyatini rivojlantirishga qaratilgan robototexnika va elektronika, biotexnologiya, standartlashtirish va metrologiya laboratoriyalari faoliyati bilan tanishdi. Kelgusida talaba yoshlar o'rtasida bilim tajriba almashinuv masalalari muhokama qilindi. Rejalar belgilab olindi.
Batafsil
Toshkent davlat transport universiteti va INNO innovatsion o'quv-ishlab chiqarish texnoparki o'rtasida memorandum
Toshkent davlat transport universiteti va INNO innovatsion o'quv-ishlab chiqarish texnoparki o'rtasida memorandum imzolandi. Ushbu hamkorlik kelgusida innovatsion madaniyatning rivojlanishiga, kadrlar tayyorlash sifatining oshishiga, shu qatorda, ta’lim, fan va ishlab chiqarish oʻrtasidagi aloqalarning mustahkamlanishiga xizmat qiladi.Talabalar, universitet olimlari hamda texnopark bilan hamkorlikda yangi loyihalarni amalga oshirish imkonini beradi. Bunda tomonlar mutaxassislarni tayyorlash va malakasini oshirish, ishlab chiqarish jarayoniga yangi innovatsion g‘oyalar va texnologik ishlanmalarni joriy etishni amalga oshiradi. Shuningdek, innovatsion faoliyat - yangi ishlanmalarni tashkil etishda, yosh innovatorlarni kashf qilishda muhim omil bo'lib xizmat qiladi.