INNO Innovatsion O‘quv Ishlab Chiqarish Texnoparkiga Xitoyning yirik kompaniyalaridan biri – CRRC ZHUZHOU LOCOMOTIVE CO., LTD vitse-prezidenti Chen Yong tashrif buyurdi. Mehmonni Texnopark bosh direktori Sultanov Mansurbek kutib olib, Texnoparkning faoliyati bilan yaqindan tanishtirdi. Delegatsiya ishlab chiqarish zonalari, laboratoriyalar, issiqxona va robototexnika zonalarini ko‘zdan kechirdi. Tashrif davomida kelgusidagi hamkorlik istiqbollari yuzasidan muzokaralar o‘tkazildi. Bu esa innovatsion texnologiyalar almashinuvi va texnik ta’lim sohasida yangi imkoniyatlar eshigini ochishi kutilmoqda.