INNO Innovatsion O‘quv Ishlab Chiqarish Texnoparkiga Amerika Texnologiyalar Universiteti (American University of Technology) asoschisi va rektori, Raqamli texnologiyalar maktabining IT dasturi direktori va akademik aloqalar bo‘yicha vakili – Xolid Miah, hamda rektor maslahatchisi – Nigora Abdullayeva tashrif buyurdilar. Mehmonlarni INNO Texnoparki bosh direktori Mansurbek Sultanov kutib olib, texnopark faoliyati bilan yaqindan tanishtirdi. Uchrashuv davomida tomonlar hamkorlik masalalarini muhokama qilishdi hamda kelgusida o‘zaro memorandum imzolash istiqbollari haqida muzokaralar olib borildi. Ushbu hamkorlik kelajakda innovatsion texnologiyalar sohasida yangi imkoniyatlar yaratishga xizmat qiladi!