Toshkent shahridagi Belarus-O‘zbekiston Qo‘shma Tarmoqlararo Amaliy Texnik Kvalifikatsiyalar Instituti talabalari Inno innovatsion o‘quv ishlab chiqarish texnoparkida dual ta’lim dasturi asosida tashkil etilgan muhandislik maktabi faol talabalari sertifikat bilan taqdirlandi! 6 oy davomida talabalar muhandislik yo‘nalishida amaliy tajriba orttirib, quyidagi muhim sohalarni mukammal o‘rgandilar: -Elektron apparatlarni ishlab chiqarish texnologiyasi – zamonaviy elektron qurilmalarni loyihalash va ishlab chiqarish asoslari -Mashinasozlik texnologiyasi – ilg‘or mexanik tizimlarni ishlab chiqish va avtomatlashtirish -Payvandlash texnologiyasi va jihozlari – muhandislik inshootlarini qurish va metallga ishlov berish texnologiyalari -Innovatsion loyihalash – zamonaviy muhandislik yechimlarini ishlab chiqish Dual ta’lim tizimi – O‘zbekiston iqtisodiyoti uchun malakali va raqobatbardosh muhandis va texnik mutaxassislarni tayyorlashning samarali usuli bo‘lib, yoshlarning amaliy ko‘nikmalarini rivojlantirishga katta hissa qo‘shmoqda. Taqdirlash marosimini Inno texnoparki bosh direktori Sultanov Mansurbek Qilichovich ochib berdilar. Shuningdek, institut direktori Andrey Svyatoslavovich va ijrochi direktor Bahodirov Azizbek Abdulazizovich yosh muhandislarni sertifikatlar bilan taqdirlab, ularga kelgusi faoliyatlarida ulkan muvaffaqiyatlar tiladilar. Muhandislik sohasidagi bunday tashabbuslar texnologik taraqqiyotga hissa qo‘shib, yurtimizning sanoat va ishlab chiqarish tarmoqlarida yangi avlod malakali mutaxassislarini yetishtirishga xizmat qiladi.