Inno innovatsion o‘quv-ishlab chiqarish texnoparki navbatdagi muhim voqeaga mezbonlik qildi! Xitoyning yirik investorlar delegatsiyasi tashrif buyurib, o‘zaro hamkorlik va investitsion loyihalar yuzasidan muzokaralar olib bordi. Bu uchrashuv ilm-fan, texnologiya va innovatsiyalar sohasida xalqaro tajriba almashish hamda istiqbolli loyihalarni amalga oshirish yo‘lida muhim qadam bo‘ldi. Shuningdek,Toshkent Davlat Yuridik Universiteti, Turin Politexnika Universiteti, Toshkent shahridagi Belarus-O‘zbekiston Qo‘shma Tarmoqlararo Amaliy Texnik Kvalifikatsiyalar Instituti va Toshkent Menejment va Iqtisodiyot instituti vakillari bilan hamkorlik istiqbollari muhokama qilindi. Kelajak avlod uchun zamonaviy bilim va ilg‘or texnologiyalarni birlashtirish, startap loyihalarni qo‘llab-quvvatlash va ta’lim tizimini innovatsion rivojlantirish – asosiy maqsadlardan biri ekanligi ta’kidlandi. Inno texnoparki xalqaro hamkorlik orqali innovatsion o‘sish sari ishonch bilan odimlamoqda! Ushbu uchrashuv natijasida kelgusida birgalikda amalga oshiriladigan loyihalar, startaplarni qo‘llab-quvvatlash va innovatsion ekotizimni rivojlantirish bo‘yicha kelishuvlarga erishildi.