2-Aprel, 2025-yil 11:51 15
Yangiliklar
Inno texnoparkga Gruziya delegatsiyasining tashrifi!

Inno innovatsion o‘quv-ishlab chiqarish texnoparki muhim tashrif guvohi bo‘ldi! Gruziya iqtisodiyot va barqaror rivojlanish vazirining o‘rinbosari Irakliy Nadareyshvili boshchiligidagi delegatsiya texnopark faoliyati bilan yaqindan tanishdi. Mehmonlar innovatsion ishlab chiqarish zonalari, zamonaviy laboratoriyalar, ilg‘or robototexnika bo‘limi va ekotexnologiyalarga asoslangan issiqxona bilan tanishib, texnoparkning texnologik imkoniyatlarini ko‘zdan kechirishdi. Uchrashuv davomida ilm-fan va ishlab chiqarish integratsiyasi, yosh mutaxassislarni qo‘llab-quvvatlash va innovatsion loyihalarni rivojlantirish borasida hamkorlikni kengaytirish masalalari muhokama qilindi. Tomonlar texnologik transfer, startap loyihalarni qo‘llab-quvvatlash va qo‘shma innovatsion dasturlarni amalga oshirish bo‘yicha kelishuvlarga erishdi. Ushbu tashrif o‘zaro tajriba almashish, innovatsion ekotizimni rivojlantirish va yangi istiqbolli loyihalarni shakllantirish yo‘lida muhim qadam bo‘ldi. Kelajak innovatsiyalar sari birgalikda harakat qilamiz!