Oliy ta'lim, fan va innovatsiyalar vazirligi huzuridagi “INNO” innovatsion o’quv-ishlab chiqarish texnoparki hamda “Toshkent menejment va iqtisodiyot instituti” hamkorligida "Muhandislik oyligi” doirasida talabalar xalqaro ilmiy-amaliy konferensiyasi o‘tkazildi. Konferentsiyani Innovatsion rivojlanish agentligi direktori Sharof Rajabbayev hamda Toshkent menejment va iqtisodiyot instituti rektori Xojiakbarxon Axmedov ochib berdi. Shuningdek, talaba va o'quvchi yoshlar, IT Park, “Milliy tiklanish” demokratik partiyasi, Toshkent shahar yosh olimlar va o‘qituvchilar kengashi mas'ul xodimlari shtirok etdilar. Tadbir doirasida "BRAINTECH" START-UP loyihalari tanlovi g‘oliblari taqdirlandilar: 1-o'rin – Husan G'ulomov; 2-o'rin – Zabixulloh Xamidullayev; 3-o'rin – Farruh Narimonov. Maktablararo "Matematika" va "Iqtisodiy bilim asoslari" fanlaridan o‘tkazilgan olimpiada g‘oliblarini taqdirlash marosimi ham o’tkazildi.