Ekskursiyada Yoshlar akademiyasi, O'zbekiston Respubliksi Favqulotda vaziyatlar vazirligi akademiyasi, Ichki ishlar akademiyasi, Mirzo Ulug'bek nomidagi O'zbekiston Milliy Universitetining "Qalqon" jamoatchilik guruhi a'zolari ishtirok etdilar. Tashrif davomida mehmonlar texnoparkning ishlab chiqarish, elektronika, robototexnika zonalari, metall kesish va qolip yasash dastgohlarini ko'zdan kechirdilar. Ish jarayonlari bo'yicha batafsil ma'lumotlar taqdim etildi.Shuningdek, texnoparkda amalga oshirilayotgan yangi ilmiy-innovatsion loyihalar bilan tanishildi. Kelgusida harbiy yo'nalishdagi loyihalar bo'yicha hamkorlikda ish olib borish yuzasidan kelishuvga erishildi. Ushbu tashrif texnologiyalar va ilm-fan sohasida yangi imkoniyatlarni yaratish, hamkorlikni mustahkamlashda muhim qadam bo'ldi.