"Yashil makon" umummilliy loyihasi doirasida joriy yilning bahor mavsumida Inno innovatsion o'quv ishlab chiqarish texnoparki hududida manzarali daraxt va buta ko‘chatlari, mevali daraxtlar ekildi. Ushbu tashabbus doirasida hududimizda atrof-muhitni yanada obodonlashtirishga e’tibor qaratilmoqda. Daraxtlar nafaqat shahrimiz obodligiga hissa qo‘shadi, balki ekologik muhitni yaxshilash, havo sifatini oshirish va atrof-muhitni muhofaza qilishda muhim rol o‘ynaydi. Shu bilan birga, yashil hududlarning ko‘payishi inson salomatligiga ham ijobiy ta’sir ko‘rsatib, qulay ekologik sharoit yaratadi. Bu esa nafaqat bugungi kun uchun, balki kelajak avlodlar uchun ham sof va yashil muhit yaratishga xizmat qiladi! Yashil muhit yaratish bizning burchimiz! -Shahar havosining tozaligi va sog‘lom ekotizimni shakllantirish -Kelajak avlodlar uchun toza va barqaror atrof-muhit yaratish -Yashil iqtisodiyotni rivojlantirish va ekologik muvozanatni ta’minlash -Inson salomatligi va turmush sifatini yaxshilash Har bir ekilgan daraxt – kelajakka qo‘yilgan qadam! Sizni ham ushbu ekologik tashabbusga qo‘shilishga va tabiatga mehr ko‘rsatishga chorlaymiz! Birgalikda tabiatni asraylik va yashil muhitni rivojlantiraylik!