Toshkent irrigatsiya va qishloq xo‘jaligini mexanizatsiyalash muhandislari instituti – Milliy tadqiqot universiteti talabalari Inno innovatsion o‘quv-ishlab chiqarish texnoparkida dual ta’lim asosida bilim va tajribalarini oshirishmoqda. Ushbu tizim nazariy va amaliy bilimlarni uyg‘unlashtirishga, talabalarni haqiqiy ishlab chiqarish muhitida ishlashga tayyorlashga xizmat qiladi. Amaliy mashg‘ulotlar davomida talabalar soha bo‘yicha ilg‘or texnologiyalarni o‘rganib, innovatsion loyihalarda ishtirok etish imkoniyatiga ega bo‘lmoqda. Dual ta’lim tizimi – bo‘lajak mutaxassislarning kasbiy ko‘nikmalarini mustahkamlash, ularni mehnat bozoriga moslashtirish va innovatsion ishlanmalar ustida ishlashiga keng imkoniyat yaratadi.